هامورمطيري
تعال يامطلق نبا نكحل عيون ماتشوف=أما نعالجها سوى ولا دمرناها سوى
أنته معي بأن النقط ماحطت الا للحروف=ياكثر ناس ماتفرق فالهوايه والهوى
مطلق دعيج
وشلون أكت الكحل وسط العين والرمش محفوف=عمرك سمعت إنه يفيد الكحل فعيون الجوى
أحيان أشوف إنه مثل ضرب الهنادي والسيوف=صمت الحكيم اللي ورد هداج تيما ماروى
هامورمطيري
أجل نبا نضرب على روس الجنايز بالدفوف=ألي غدة روحه غدا والي ضوة روحه ضوى
وأحيان اقوله أنه حرام تمر بالبيت وتطوف=أخذ الشهاده والروايه من صميم ألي روى
مطلق دعيج
لابالله ألا سو في صاحبك شيمة ومعروف=خل الدفوف لواحد نجمه من العليا هوى
قلتك ياهامور مالي شغل والواو معطوف=ماألبس الجندي ولو حب السما رتبة لوى
هامورمطيري
أنته وأنا وألي على بالك من الباب محذوف=يبا يجى يختال مايضحك ياغيرمن الخوى
وشفيه غراف البحر جاني من الوقت مغروف=الذيب مايعوي يكود أليا بغى جر العوى
مطلق دعيج
اللي على بالي على بالك وحبري فالضروف=رسالة عنوانها مردود والحاوي حوى
وشداد ريمه فوق غاربها ياضيفان الضيوف=لكن مسراها مغيب نجوم يابعد النوى
هامورمطيري
ألي جمع كل الصدف روح ضحيه للصدوف=الله يجيب له الدوى مطلق مادورله دوى
بضاعة التاجر كساد من الغلا فوق الرفوف=وشفيه مطلق صاحبي مايترك ألعاب القوى
مطلق دعيج
مطلق يفك الشفرة اللي قفلها بالحرفof =ولاياكل النيه ولو ماشاف هامور أشتوى
تمر القصيم ليا أستوى مانشتري تمر الهفوف=يشيله التمار مانشريه والتمر أستوى