قصيدة للوالد رحمة اللة في الوالدة
بعد ماسافرت للخارج للعلاج .. اللة يردها بسلامة لنا
عزتي للي خذوها من وطنها=ماتبي شوف الديار الاجنبيه
دارنا من عقبها شينٍ سكنها=يوم غاب النور مامن قابليه
وقلبي اللي لاذكرته غاب عنها=لاصباح ولانهار ولا عشيه
لوتروح بعيد وانا ابعدت عنها=كن قلبي يجذبه له جاذبيه
صورته بالعين طار النوم منها=وصوته المملوح من نفسٍ طريه
لوتثمن مانقدر في ثمنها=مير ربي جابها ليّه عطيه
ونحمد الله يوم جانا العلم عنها=فرحتي باللي سوالفها عذيه
.