المحاورة بتاريخ 8/2/1432هـــ

عايض الحريص

سلام من هيض الضمير اللي رفيع(ن)مستواه=من شاعر(ن)ماينقص المده لمنها مدها
قالوا لي الهامور ضيقه صاير(ن)يسبق رضاه=بس الحقيقه من يقفله في لزوم يسدها

يامرحبا ترحيبتن تاخذ من الموت الحياه=فالليله الي من حضرها لزمان يعدها
هامور لامنه لقى المحروم من قسمه عطاه=لكن روحك يالحريص وين ياصل حدها

فيك البقا ياللي صنعت من الهلاك آخرنجاه=ياللي تقدمها لياقدمتها خذ ردها
وفر عطاك الله يجعلك طول عمرك للغناه=ياليت راع المشط لا ربا قرون يكدها

الشاعر الي سابق اللحظه على قلعة بلاه=مايدري انا لابنيناها سنه ماهدها
الليله الليله مايكفيكم على الدرب انتباه=ياهل عنيزه وش عنيزه لاعرفنا جدها

والشاعر اللي ضاق صدره من خلاه وفي خلاه=يبيح سده والأوادم مايبيح سدها
أنته توصيني وأنا وشلون أبا أحفظ الوصاه=لاجات من ناس(ن)لياجاعت تعشت بدها

انته ضميرك واصلن قدام هرجك منتهاه=قلبك مثل كل القلوب الي قطعنا ودها
ماعاد يكفيكم ياهل تثليث تصويت وقناه=يمكن ثمان سنين تظهرها وعام تلدها

ياليت من يسمع هدير شعيل مايسمع رغاه=حتى يقول إنه بعير وكل حمله قدها
وحنا ليامنا بغينا شي نأخذ مانباه=لون دمعة بنت أبوعرام تحفي خدها

بعد انقطع فيك السبيل الله ولاقطعت رجاه=حاول تهدي روحك الي من سنين تشدها
ماعاد يمدينا على جرحه ولو جبنا دواه=جعله شهيد الليله الي راح عمره عندها

أنته صبور ومايجيك من الشقا تصبر علاه=ياسايق الأجره مادام إنك معنا كدها
يابن مصاول علم الهامور كان الله هداه=مايدري إني كل هجمه فيه عندي ضدها

لو كل عام يقولها يمحى وغبنه مامحاه=كل العلوم الي على بالي بلاش احدها
بس الوكاد انك ولد ماجاه من وقته كفاه=اقولها والناس من بعدي عليك تردها