انا راحل دخيلك لاتناديني .........
بادور في ربى الغربة حنان ضاع باوطاني
زرعت الحب في ارضي تصورته بيحميني
ويوم خان الزمن فيني تنكر لي وعاداني
فمان الله ياناس على الفرحه تخاويني
وساعة ماانجرح قلبي الكل بسيفه ادماني
فمان الله يااحبابي باروح ودمعتي بعيني
اودعكم وانا راحل ودرب الحزن ميداني
باروح وقسوة الدنيا تموتني وتحييني
وكل الناس عادتني تفكرني انا الجاني
انا موعد على الرجعه ولا ودي تواسيني
ماغير اذكر ليالينا ووين الحب وداني
لبست ثوب الرحيل وشلت عمري بكفيني
وودعت المكان اللي حضن حكمي ورباني
اودعكم اودعكم ياغلى من نظر عيني
مماراق لي