لاتفكر اني نايم والا عين الحزن تغفى =كل مافي الامر ضيقه ارسلت سهم العذاب
لاتفكر دمعتيني لملمس الخدين تجــفى=كل مافـي الامر ملـت من لهـيب الانـتحاب
وانحبس صوتي وقرر عنهم يبعد ويخفى=واستمر بجوف صدري يدعي ربه باحتساب
بالوداع وشحب لونه بسمتى مايوم تصفى=انزوت ماعاد فيها تلحق اغراء السراب
كان في جوفي معاني وصادق الاشواق ترفى=واستحل الجوف همي وانتصب فيه انتصاب
وان حسبت الصدر مأوى من سكنه اليوم يدفى=شب بالاضلاع ناره وانتشر فيه الخراب
وفي قمم قلبي مشاعر صابها راعد وعصفى=واصبحت بركان ثاير زاد بالجوف انسكاب
والهموم اللي ابتلتني باكيه// بالقلب عطفى=شايفه دقات قلبي ترتجف معها الثياب
والعيون اللي تباكن ودها نظرات خطفى=تكتحل فيها بشوفك والرجا بالشوف خاب
من بعد حبك حبيبي من قهر حبي توفّى=في وسط تابوت قلبي اندفن واغلقت باب
عشت في عمري كسيره والامل ضيه تطفّى=والجسد يمشي وروحه قررت عنه اغتراب
من يجرب يوم حبك لو هو بالسكرات يشفى=وان (قـطع مـشوار عمره )هذا حُكمه بالكتـاب
عشت في حبك اميره وحدها في جوف منفى=والمشاعر تكتسبها من خفوقك اكتساب
ان تمنيت الثريا ماترد العين طرفى=الا واناظر ضياها في سواد العين ذاب
ياحبيبي كنت موجي وغالي الاشواق مرفى=انت اول من سكني وانكشف لجله حجاب
اه ياملمس كفوفك لالمس تكسيني رجفى=ارحل بفكري معاها فوق هامات السحاب
وان سبحت افبحر عينك القى سود النون اضفى=وسطها قصه ملامح نوخت عظمى الرقاب
لكن الايام كفت والزمن كفى ووفى=وانكتب فيها نصيبي وسط ضمات الغياب
وان تحاول تعتبرها زلةٍ وتجيب ملفى=تلقى من كشر بوجهك او غرس بالظهر ناب
مالي حيله ياحبيبي وبي دموع العين ذرفى=غير ارحل واكتب اللي يرسم لغيري جواب
وان لقيت حروف مني صايره بالحب سرفى=احتفظ فيها واكتب عل يوصلني خطاب
مالنا في شرع ظالم شرّعته عقول خرفى=غير نرضى // كل املنا نلتقي يوم الحساب