بسم الله الرحمن الرحيم
السلام عليكم ورحمة الله وبركاته
أقدم إليكم هذه القصيدة الشيقه وعسى ان تنال إعجابكم وتحوز على رضاكم
البارح الهاجوس بأعلى قمة الشعر إعتلا=لو إعتلا قمة جبال الهملايا زلزلت
حياالله اللي له ثلاث شهور معطيني جلا=شيطان شعر(ن)لوتوحيه الشياطين إجفلت
اقلط على عدّ الروى واقلط على سوق الغلا=يالشامخ اللي له مكانه عاليه مانِزّلت
ياقوّ قلبك كيف تتركني وانا وانت إعدلا=غيبتك عني ياعديل الروح هذي طولت
عندي هموم(ن) لو أحولها على قلوب الملا=ماأحد(ن)تحرك من مكانه كانها ماحولت
رحلة زمان وذكريات(ن)مابقي منها ولا=شي(ن) يثبتها بعد من عقدها تحلحلت
وغابت وذابت مع مهب الريح وآكلها الخلا=وعلى جررها السنين الجرد شربت وآكلت
وحسبتها في خاطري وليا إنها مثل اولا=لو تنحسب ساعاتها بالحاسبه تعطلت
وانا أدري إن الهرج فالفايت بلاء وأكبر بلا=نسيان شي(ن)عنه نفس الآدمي ماقد سلت
الشاعر/عزيزالشيب الميموني