صقر الروقي
سلام تسليمتن فيها سعـة بـاال=لاهل الوفاء والكرامـه والحميـه
ان كان هامور حاضر طيب الفال=ياخذ مع اهل الوفاء روحه وجيه
هامور مطيري
يامرحبا ياسلالة روق الاجيال=من نجد شفنا البدايه فالحويـه
يا اصحابنا كلنا معكم على حال=ماعاد نبغى دروب العنصريـه
صقر الروقي
ابك البقى وانت لك حشمة ومنزال=نبا نسـج القـدم والنـار حيـه
لاصرت عاقل وقدمك ناس عقًال=سب الاجاويـد مايطـري عليـه
هامور مطيري
ياصقر ضاعت شريحتكم بجوال=ماهو بذنبي ضياعـك يالهويـه
حنا مانحسب حساب القيل والقال=وانتـم عتيبـه وتربتكـم نديـه
صقر الروقي
مارحت ابا ادور اصلي عند الاحوال=ياشعيـل للحمـل مالـك مقدريـه
يالشاعر اللي تبا تنقي لـي جـزال=والرجـل مايلتـفـت للعنجهـيـه
هامور مطيري
مفروض ربعك عليك تشيل الارسال=يكفـي عتيبـه مشاكـل جوهريـه
انا اشهد انك ولد وتجيـب مـوال=وانا معـك شفـت سـر الجاذبيـه
صح السنتكم شعراءنا المميزين
وبيض الله وجيهكم وماقصرتوا
محاوره اكثر من رائعه
.