اكتسب قلبي مناعه
ليت قـبري يحتويني قبل تِرخـص دنـيتـي =ودمعي لو يجـفى المحاجِر حُر دمي ماجفا
ليه تكويـني بحـنيـني ولمـس كفـكَ مـنيـتي =وصادق الاشواق حولك تنتظر بـاب الوفا
شفت فيك إنسان صادق ياغناتي وعزوتي =كنت تظهرلي المحبه وداخـلك حقـدٍ خـفا
جيت لك قلب ومشاعر ودي تِسكن جـنتي =ودي بحـبي اسافر واهــتـني بـقلـبٍ صفا
حتى حرفي والقصايد هي سطور بقصتي =وانت تتفنن ببعدي تحـسب احسـاسي غفا
وش تحرك من مشاعر داخلَك يا بلوتـي =جاي تطلبني حناني وترجي من حضني الدفا
جاي تشكي لي ضياعك في غياهب غُربتي =وانا من عاش الضـياع وجرحه فيـني ماشفا
لا تعيد ابحكي ضايع جيت أعلن توبتـي =إكـتـسب قـلبي مـنـاعــه ومـن كـلامك اكـتفـا
بقلمي..ذوق عابر(الهاجر)