الكوكاكولا كان يحتوي على مادة الكوكا قبل عام 1953 ميلادي تقريبا


يعني شيبااننا اللي شربوا من الكولا هاك الايام شربوا بعض الكوكا واللي تعتبر ممنوعة لأنها مادة مخدرة !!





على طاري الكوكولا خلني أبجيب لكم سالفة طرت علي >>>>>> سرا ليلي


هذا واحد من شيبااننا راح هو واثنين من جماعته شيبان


المهم ركبوا شيّـــاب الرحمن على سيارة وحدة وراحوا للرس بحكم أن فيها سوق هاك الايام الديرة ما فيها حتى البقالة


يوم وصلوا للسوق داجوا شوي لين تعبوا وجات حزة الغدا

وهم يروحون للمطعم

واحد من الشياب يقال له ابو سعد لقى الكولا قدامه قال خلني ابشربه ابشوف وش هو من لحية


وهو يقرطعه كله ما خلى منه القطرة !! ويوم أعجبه الطعم قال هاتووا لي الثاااني


ويلحقه درب الأول .!! هههههههههههههههههههههههه


المهم الرجال قام يتارع من زود الشبع قالوا خوياه يا ابو سعد تغد معنا ؟؟


قال ما عاد ابي لكم غدا شربت هاللحوة الغانمة وشبعت


المهم تغدوا الرياجيل وعقبها اخذوا خويهم ابو سعد وراحوا لبيوتهم


ويوم جا نص الطريق جـــــاع أبو سعد ههههههههههههههههههه

قال يالربع ماخوذي اللي شربته أثره مامن امور ارجعوا خلوني اتغدا


قالوا والله ما نرجع والحين خله ينفعك ههههههههههههههههههههههه


الكولا يحسس الواحد بالشبع لكن سرعااااان ما يجوع بعده الأنسااااان >>>>>>>>>> أحس اني فاااااصل



يكفي فصلة الليلة واعذريني يا بنت الغلباء على الشطحة