سلامي على اللي يحتمون المطاريش=سلام الوفاء لأهل الوفاء بالنيابه
ابا اقدّم على الميدان في مقدَم الجيش=ومن يحضر الليله هلا مرحبابه

هلا عد همال المزون المراهيش = ليا دن رعاده وسمهل سحابه
عسى الطير ضافي من على جسمه الريش = وطيرن بليا ريش ماينغزابه

تعيش القبيله كلها وانته اتعيش=وعز المجَرد يا صحيبي نصابه
أبشرك طير ولا وقع فالمباليش=يا طيرٍ عليك اسبوق في سد لابه

يالطام بعض الهرج مايوكلك عيش = وسيفن ماينفع باللقاء وش تبابه
طيور الفضاء واجد وتحتاج تفتيش = اذا منت صقر الجوو منته غرابه

ترى السيف لا حان الوعد والمهاويش=يخلي ترى الميدان يشبع ترابه
اشوف اب.ضلام الليل عدت خفافيش=وانا في مقامي كان راحت طِلابه

ترانا رجال ونعرف عماش وعميش = وكلن على قده يفصل ثيابه
كبار العلوم يجبها الخبل والديش = وهاذي عوايدهم ولابه غرابه

يا راع البنادق ليش يا ليش يا ليش.؟=تسري على العربان مسرى الذيابه
ترى الأوله عدت وحاذر من الطيش=قبل لا تشوف الذئب كشر بنابه

يالطام لاتطلع مع الناس درويش = نهارك مثل ليلك معتم ضبابه
ألا يامحذرني تحذر على ويش = ترى منت ضمن الانبيا والصحابه

يا هاجوس انا فعلي نهار المناويش=تناقله كل العُرب وكلٍ درابه

من الشام لاحد اليمن رحلة قريش = ولطام نجهل دربه اللي مشابه
عسا الله يعينك يالكبود المعاطيش = ولطام جاه الشيب باول شبابه

من الشام لحدود اليمن فيه تفتيش=ولطآم يعرف من عزاوي شبابه
تبى تارد اعدود وعدودٍ نقاريش=على عد كل العرب تحسب حسابه