مساجلة بيني وبين الشاعر / شقران بن فايز
كُتب : [ 18 - 02 - 11
- 02:16 AM ]
بسم الله الرحمن الرحيم
الاخوة والاخوات أعضاء منتديات الموازين الكرام
إليكم هذه المسآجله بيني وبين الشاعر / شقران بن فايز
وهي جديدة وهو البادي
يقول :
البــارحــة ياســعــود نــومي على الكـوع =اقــــــوم لــو ان الخـــلايـــق هــجـــوعــي
اغــــط غــطــة ذيــــــب وافــز وافـــــوع =والـــزاد عــــنه النــــفس صـارت قنوعي
اصـــك باب فيـــــه عــشــرين موضوع =تجـــــي مــواضـــــيع لقـــلبي تـــروعــي
مشـــروع اخـــلص منــه وابدا بمشروع =ياكـــــثر مــــن نســــج الخيـال الفزوعي
دنــــيا تقــــلبنا على كـــل مــــوضــــوع =نـــوب تــــنزلــــنا ونـوب (ن) طلوعي
ونوب (ن) تحط إلنا من الورد مزروع =ونوب (ن) تفـــرقـــنا لو آنآ جــــموعي
واصبحت من هـ الفكر تايه ومصـــدوع =راسي يا ابو تركي كــــثير الصـــدوعي
وقـــت يغـــير فـــكرة النــــاس وطــبوع =تغيـــرت , , شــــيماتها والطـــــــبوعي
تحــــط مــــن ســلك الردى مترها بــوع =حتى ولــــو انا نصــــك الســــــــموعـي
لاهي بلا عــطشى ولا مســــها جــــوع =مثــــل اللــذي يــذّن بلـــــيا ركــــوعـــي
شقرآن بن فآيز
وآقول في ردي عليه :
يامــرحبـــا بالخـــــط مــثنـــي ومــــربــوع =من الـــرفـــيق اللـــي يــعرف الســـنوعـــي
والشـــعــر بــه نــوعــين مقــري ومسموع =وشقـــران يــتـــقــنها علـــى كـــل نــوعــي
لاجـــابــها خـــلّالــهــا حــصـــــن ودروع =حتـــى عــن المــوضـــوع يلغ الرجـــوعي
يشكــي علـــي الوقـــت واهـــدي الــــرّوع =وانا اعرف الشكوى من أقصى الضلوعي
الــوقــــت مثّــربـه مـــعانــــــاه ووّجـــوع =مـــن كـــثر مــاجـــرب يـــعـــد الفـــنوعي
وانــا بــعد مـــثله مــن الــوقــت مفـــجوع =لكـــن تــرى طبــعي مااحب الخضـــوعي
امشــي معــه فالخــط ولا امشي اقــطـوع =عســره ولـــينـــه مــــايـــطفي شمـــوعي
راســـي عــن اهل النم والشذب مرفـــوع =لو هــم يابــو عــادل من أدنى الربــوعـي
والنــذل لــو صـاحبك شهرين واسـبـوع =لابــد مـــن يــــوم لــكــبــدك يلــــوعـــي
ليــــت الــردي لــه ختم بالوجه مطـبوع =كــان انــتجــنـــب خـــاربــين الطبـوعي
ولا الضـــعيف ضــعيف ماهو متبــوع =لـــو مـــات لاتـــذرف علــيه الدموعــي
مافــــيه لا فـــزعـــة ولا مــنه مـنــفوع =مايحــــسـب الا مــن حــساب المتــوعي
تبا تحــلب الديــس والديــس مرضــوع =ماعــند مصــاص العــجم غير جوعــي
وكــان الــزمــن ماطاع ولا له الطــوع =كم واحد (ن) مشّــاه من غير طوعــي
واللــي مضى محذوف في سبّع القــوع =نار(ن) طفـــت ماعــاد فيــها ولوعــي
سعود بن مجاهد بن مصاول
وسلآمتكم
|