لو سيبويه إطلع على مدينة جده=شاف حرف النصب فيها بس ماينصبها
وشاف حرف الجر بين دروبها الممتده=حرف جر يجرها بالحيل ويسحّبها
جده أمست في رخاء وأضحت وهي في شده=بيّن الفاعل من المفعول به وأعّربها
والإ أنا ماني بشاعر نحو ماني قده=بس في راسي شوي أفكار وأجربها
يا أمانة جده الصبر إعتلى‘ عن حده=والصدور أدنات شي من الخطاء يغضبها
كيف مجموع الخطاء اللي له سنين ومده=كل ما يَصلَح خطاء جاء مخطي(ن) يُخربها
بيّض الله وجه أبو بندر وسلمت يده=خالد الفيصل زبون الفزعه معزبها
نزّل المشلح وكفّه للحمايه مده=وآهل الأطماع تبغاء كف(ن) تعاقبها