تبسم لعنبو جرح اضمه داخلي لرضاك
تبسم يابعد روحي تبسم لاتبكيني
اشوفك بين هالعالم وفجأه التفت مالقاك
يضيع الحلم ماأدري اضمه كيف في عيني
احاول افهم القصه وابررموقفي وياك
اشوفك بالحشا تسكن تنوّر باقي سنيني
ابيع الكون لعيونك وقلبي داخلي ناداك
ابيك اليوم تفهمني وصوتك دوم يكفيني
اعيش الحب بوجودك حرام اليوم ماأنساك
اذوق المر بغيابك دخيلك لاتخليني
تعال نجدد الفرحه اخلي القلب مايعصاك
احضنك يابعد عمري اشوف الحب يغريني
عجزت اقاوم الصدمه اشوف الناس ماتخشاك
انا المسكين ماأقدر لباس الحزن يكسيني
يطول الليل بهمومي جروح العشق ماتخفاك
تعرف اليوم تجرحني تزيد النار تكويني
ترفق يوم تلقاني تذكر قلب ماينساك
يطيب القلب بحروفك حسافه كيف تجزيني
ختام الشعر ياحبي ترى هالقلب مايجفاك
يضم الجرح ماهمه يشوفك كيف تغليني
إهدآآء
منقووول