منتديات الموازين الرسميه - عرض مشاركة واحدة

غير متواجد حالياً

ياصاحبي ماعاد لي رغبـة فيـك
ابيـك تنسانـي مثـل مانسيـتـك

وان كان ودك في مواصل محاكيك
اجـل بـلاش الـلـفـلـفـه لابكيتـك

عشرة شروطٍ كان تبغاني أجيك
حتى يعوّد قلب مغليك بيتك

ابيـك ترضينـي وتتـرك تغليـك
وابيك تعطينـي مثـل ماعطيتـك

وابيك تفرح بي ليا جيت ناصيـك
يعني تفـز وتنتهـض لانصيتـك

وابيك تنسى كل من كـان شاريـك
مادام انا بدمـوع عينـي شريتـك

وابيك تعرف قدرك بقلب مغليـك
وابيك قـد الهقـوه اللـي هقيتـك

وابيـك تتنـازل وتتـرك تحديـك
وابيـك خطـٍ لاكتبتـك قريتـك

وابيـك تنسينـي دروب التهاليـك
يادربي اللي تهت فيـك ومشيتـك