من لايبيني نور عيني فراقه=والله ماأوجّه يمّ بيته ولاأمر
حلفت لااقطع عنه كل العلاقه=وإن جيت له عسى عظامي تكسر
والزاد مايوكل على غير فاقه=والبيت مايدخل وبابه مسكر
لاتتبع المقفين مثل العِلاقه=خلك شريف وكون حر(ن) ولد حر
من يتبع المقفين قطّاع ساقه=لو هو شجيع لبيرق القوم يكسر
ومن ضاع ماله ماقنته الرفاقه=غصب(ن)عليه لجاير الوقت يصبر
والحر يصفق بالجناح إصطفاقه=والرزق عند مسقب الحوت والذر