بسم الله الرحمن الرحيم
السلام عليكم ورحمة الله وبركاته ..
بعد الإنقطاع لظروف خارجه عن الإراده ،
إلـيكم الجديد ..
زيـدني غربـه ..
زيدني غربه وأنا أزيدك غيآب = وأكتم الأشواق وأزيدك قهر
دام في قربك تفاصيلي عذاب = معمعه وأحزان وظنون وسهر
خلني غآيب وياتيني جواب = عن خبر حبك لو الفرقى دهر
أهون من الصمت وأطياف السراب = ومن وصالك يوم وفراقك شهر
وش يكون الحب لو الحب غاب = وسط قلبك طول عمره ماظهر
خل قلبك حي واحساسك سحاب = أمطر وحرك وسط قلبي نهر
لو يفك الصمت للأحباب باب = كان مابه بالمحبه من جهر
ليت عمري مثل صفحات الكتاب = وتصبح أيامي لها بطن وظهر
كان غيرت الخطايا بالصواب = وأقلع من الشوك وأزرع لي زهر
هذا انا والحزن لبّسني ثياب = يوم سقت العمر كله لك مهر
زيدني غربه وانا ازيدك غيآب = وإنتهض بالحب واعشقني دهر
شعر ، عبدالمجيد الظويفري