الشاعر الدولي نشوفه له ايام=يدخل ويطلع مايرد السلامي
ويشيل له بندق ولا عنده احزام=ويقول انا معي الفشق والحزامي

راع الجواخه يحسب الناس هيام=ميدري ان النور يجلي الظلامي
الشاعر الدولي ترا ماله اعوام=حول عن شدادك لايكثر كلامي

لاتجرح اصيامك ترا الناس صيام=خلك نظامي لالقيت النظامي
انته مصيف شرق والناس فالشام=وتشيل سيف (ن)مايقص العظامي

اليجرحت الصوم تكفيرت اسلام=مني يهودي مايعرف الصيامي
الي مصيف شام يستاهل اعدام=ميدري ان السيف سيفي وحامي

سج القدم قدام والدرب قدام=لو كان صوتك مايصح النيامي
ابنشدك عن بوش في شنق صدام=حلال يوم العيد ولا حرامي

يابوحسين الي على الدرب عزام =يمسي ويصبح والجهام الجهامي
الي شنق صدام من لد الخصام =وبوش خصمه ودعه بالجزامي

عزالله انك شاعر(ن)بس منظام=كان الاداره ماعطتك الوسامي
وترا الذهب يفرق بسعره عن الخام=الفرق شاسع فالسعر والاسامي