حصري *~ تموت الاحلام في صدور الفقارى قهر ~*
كُتب : [ 25 - 04 - 11
- 01:36 AM ]
مدخل :
تموت الأحلام فصدور الفقارى قهر
ويملا هدبها الدموع وتصفق كفوفها
تصبر لكن صبرها ماهوب يوم وشهر
من جوعها يمكن انها تاكل كتوفها
وتعيش الأحلام عند أهل الدراهم دهر
و (تكبر) أحلامها وتزيد مصروفها
ان كان ما خافت الله فالخفا والجهر
تاكل بعضها حرام وعينك تشوفها
بسم الله الرحمن الرحيم
السلام عليكم ورحمة الله وبركاته
مساء ,, صباح الورد
بنات حواء يحتفلن بطريقتهن الخاصة بمناسبة مرور أربعة أعوام على تأسيس منتديات النخبة ..
/
/
اليوم جدتكم ام فلاح مدري وش جاها !! جتها شهوة غير طبيعية على الكنافة " تحب تآكلها بس ما تحب تسويها هههههههههههه " ماتضبط تصير متفككة ماتتماسك " ومير تعقد النية و تسمي بالرحمن وتشمّر عن كمومها .. مسويتها مسويتها الله لايعوقها بشر
وتغزي المطبخ والحمد لله انتصرت عليه ( داخلة حرب ) هههههههههههههه
وطلعت منه بالنتيجة التالية :
المقادير :
علبة كنافة ( على قولة عامل البقالة شعر عجوز ) ههههههههههههههه والله دمه خفيف .
اصبع زبدة .
علبة قشطة .
4 مكعبات جبن كيري .
شيرة .
فستق للزينة .
الطريقة :
* فرمت الكنافة .
* سيحت الزبدة .
* عجنت الكنافة بالزبدة .
* رصيت كمية منها في قاع الصينية .
* خلطت القشطة مع الكيري واضفت شوية سكر ثم صبيته على الصينية .
* رصيت الباقي من الكنافة على على الخلطة .
* دخلتها الرف السفلي من الفرن لين حسيت إنها تحمرت .
* شغلت الفرن من فوق وحطيتها في أعلى رف لين تشقرت .
* بعد مانطلعها من الفرن نسقيها بالشيرة ( القطر ) ونزينها بالفستق .
ونقدمها
طعم إنما أيييييييييييه ماعليكم من الشكل أهم شي المضمون هههههههههههه
والحمد لله ظفرت بآخر قطعة قبل يآكلونها عني ههههههههههههههههههه
وطبعا مانسيت اول واحد يرد ع الموضوع جبت له قطعة كنافة معي
ومطرح ماتسري تمري .
مخرج :
أصبحت اهوجس واشك أن النقاء والطهر
ضغينة صدور ناسٍ ما برا جوفها
على جدار الزمن كتبت بيت وشهر
حسب معاناة بعض الخلق وظروفها
فالوقت ذا ما تعيش أن كان مالك ظهر
الايام قوما" علينا تومي سيوفها
وكتبت لي كلمتين من الغبن والقهر
والله كتب وامطرت وانمسحت حروفها
تحيـــــ نــــــ المشاااااعر ـــزف ـــاتي |
|