ان عشقت اليوم عشته وان كرهته قلت غور
الثواني والدقايق والليالي ذالفه
نكره ونعشق ولكن سنة الله ماتبور
رب شي تكره خير لكم من خالفه
بس فيه اشياء لامن صرت كارها معذور
ارتفع عنها ونفسي عن غثها حالفه
اكره الرجال لامن صار نمام هذور
مامعه سد بعيد ولا يحفظ السالفه
واكره الرجال لامن طاوع عمات البزور
لا رضن يرضى و يزعل لا زعلن مكالفه
واكره الرجال لامن صاربه نقص وغرور
فوق برج العاج يبني كبرياءه التالفه
لو قراء شعر المعري مانسى بعض السطور
كل بيت فيه حكمه والحكم متخالفه
قال سيرو فوق سطح الارض رفقا بالقبور
ما اديم الارض الا للشعوب السالفه
واكره الحكمة اذا قامت على الذله تدور
مثل قولن ان كنت ماتقدر عدوك حالفه
واكره الدنيا الى من قامت تعل الصدور
باعدت خل وخليل وفرقت متوالفه
مماراق لي