هذه القصيده اهداء مني
للأخ/ عبدالعزيز بن عباد الميزاني
يابو مشعـل سـلالة قــوم ماتغـلب علـيها قوم
يكـفـيك إن كتبت الـجــد وأتــبعـته بـمـيزانـي
رياجـيل تحـط الطـيب بالـيمـنى وطيب علوم
اقــوله والــبشـر مثلي تقـولـه قـاصي ودانـي
وأنا مـاني على ذكـر القـبايل والـمدح ملزوم
ولكـن الـحـقـيقـه حـق تـشهـد فــيه الاعيانـي
وهذا اللي شافته عيني ونسمعبه من اول يوم
مـن اول يـوم بالـدنيا عـظـيم الـشـان وعانـي
يقـولـون المطـيري كـاسب نعـم الـسلاله دوم
وأنا لامـن ذكـر عـندي مطـيري قالها لساني
وأنا وشـلـون مـاانطـقها حرام بنطقها ملزوم
أنا وشـلـون ماانطـقها وفـعل الطيب ينصاني
من ايمينك ياراع الطـيب يالقرناس يالزيزوم
وانا مـاشفـت غــير الخـير ياذربين الأيـماني
رياجـيل عـلى نهـج الـجـدود وطيـبـين سلـوم
لـكم صـيت درابه كـل شخص بكل الأوطاني
وأنا ادري لومدحت مطير مايلحق كلامي لوم
لأن الـبـيـت مايبـنى بـدون وجــود عـمـدانـي
أخوك / بــدر حـمـود العضـــياني