يامرحبا حييت ياطير حوران=يامرحبا بك يالرفيق الشقاوي
الدار ياطايل لها اشكال والوان=فيها جمال الغيد ماهوب ياوي
لاجيت للمغرب تضمك بالاحضان=اترك بلاد النيل مامن تساوي
يكفيك عبدالله وزايد وسلطان=كبار الرجال اللي ترد الدعاوي
مصيافهم في وسط كازا وتطوان=دارن وهبها الله سحرن سماوي
ومالوم قلبك يوم غنيت طربان=قبلك كواني من هوى البيض كاوي
بيض البنات اللي لهن في الهوى شان=صويبهن فالحب ماله مداوي
قلبي غدن به ياالذويبي له ازمان=من اول سنة تسعين قلبي هواوي
( مزعوط انا بالزاف( بالحيل ولهان=دايم وقلبي في هواهن رجاوي
اجمع حصيلي ثم سافرت عجلان=غاوي ومن مثلي على الدرب غاوي
اروح للمغرب وانا البوك مليان=وارجع وبوكي يشهد الله خاوي
ولانيب متحسف ولانيب ندمان=هذي طرات العمر لاصرت هاوي
ويابو سعد لاصرت للدار شفقان=حنا مثل شرواك دايم نخاوي
اصبر لنا بالصيف عودة علشان=نسكن انا وياك جنب العطاوي
أبن مصاول: أشهد انه صادق
يكفيك عبدالله وزايد وسلطان=كبار الرجال اللي ترد الدعاوي
مصيافهم في وسط كازا وتطوان=دارن وهبها الله سحرن سماوي