قصيدة الشاعر محمد بن سند بن مصاول بن مدلج عندما واجهه محماس بن سالم ابن عسير
فقال محماس لا والله الا شبت يابو متعب ؛؛؛ فقال الشاعر محمد بن سند هده الابيات
يابن عسير الشيب ماهو بعيبي=نوراً من الله للوجيه المفاليح
كلن عقب الصغر يبي يشيبي=ولازم اسنونه عقب شيبه تبي تطيح
على كبار السن ماهو غريبي=شابوا وشابن لابسات المطاويح
الشيب يا محماس ماله طبيبي=لكن مايقصر فعوال المماليح
الشيب للطيب يزيده بطيبي=والا الردي شيبه كما شوكة الشيح
ماينطح الواجب ردي النصيبي=مثل الحريم اللي ابكاهن تناويح
ودنياً نكدها من فرحها قريبي=كم ناس طاحو من سببها مجاريح
هذا جواب اللي علومه تصيبي=من خلقته ناشن على هبة الريح
وانته ولد طيب ورجلً حبيبي=وتنقد على اللي مع رداهم مشافيح
والبيت مايبنا بليا طنيبي=والباب مايقفل بليا مفاتيح
ودورك هذا فيه الردي صار ذيبي=وابن الحموله صار طيبه تشاليح
ابو قذيه راح مثل القضيبي=وصار الحصيني من حساب الطحاطيح
وموج البحر ترى مطبه صعيبي=مايطب موجه غير ناسن سبابيح
ارسلت قافٍ للشجيع اللبيبي=لمحماس بن سالم طويل المشاويح
والناس تمشي مع زماناً تعيبي=والعمر يرحل مع ليالن مراويح
ود الجواب وصله يانديبي=وقله ترى اللحيه شعرها مضاييح