منتديات الموازين الرسميه - عرض مشاركة واحدة - ~||* تعيــــش وتاكل غيــــرهــــــا *||~

غير متواجد حالياً

الحلقة السادسة

ضيفنا هذا المساء العضو الخلوق والمحترم والمشر ف السابق " مواعيدك سراب "

نزف المشاعر:

السلام عليكم ورحمة الله وبركاته

أسعد الله صباحك أخوي مواعيدك سراب..

بعد إذنك عندي موضوع ودي أفاتحك فيه .

راسلني أحد الأعضاء المميزين عندنا بالمنتدى يقول إنه مزنوق هالشهر ويبغى أحد يسلفه ألفين وخمس مية أقساط السيارة .. وإنه مستحي يطلب منكم .

وطلب مني أدور له على أحد يسلفه .. فما حبيت أرده لأنه عضو مميز وخدم المنتدى

فالواجب منا إنا نخدمه ونفرج كربته وخصوصا إنا بالشهر الكريم .. صح كلامي ولا لا ؟

إذا ماعندك مانع خبرني عشان أقوله يعطيني رقم الحساب .

مواعيدك سراب :

حياك الله اختي نزف المشاعر

وكل عام وانتي بخير وماقصرتي دايم سباقه للخير

بس اختي بالنسبه لموضوعك لابد من اخذ الحيطه

والحذر بمثل هالمواضيع وخاصه بالمنتديات وبعدين

حتي لو يانزف انه شخص مميز وخدم المنتديات

ماتدرين عنه ولا تعرفين حتي منهو علشان كذا

يصعب انك تتعامل مع شخص ماتعرفه وبالنسبه

لي انا معندي اي مانع

" كفووووو والله "

بس بكل صراحه انا معرف

الشخص هذا الى تقوله ولا اعرفه شخصي

ودامه يقول مقدر يطلب منها ليش مطلب يعني

على الاقل يعطي الاداره خبر بكذا ومراح احد منا

يقصر معه بشي صح كلامي ولالا يختي

" صح بس والله خفت منه .. توقعت إنه بيبلغ الإدارة ولا بينزل موضوع بالسالفة في قسم الشكاوى والإقتراحات لأنه عضو خدوم وحريص وتهمه مصلحة أخوانه والمنتديات .. ذيك الفترة ماغير مسنترة في قسم الشكاوى اتحراه متى ينزل الموضوع هههههههههههه "

وانا اقولها لك مره ثانيه انا معندي اي مانع بكذا

ومعك حق نك تحل كربه مسلم لكن لابد من المعرفه

والضمان فيه كذا ..

"جزاك الله خير وكثر الله من امثالك "

رديت عليه وحاولت استعطفه وأثير شفقته

ههههههههههه

:

صحيح كلامك أخوي .. بس الرجال مستحي ما يبي يشهر بنفسه عشان كذا قال لي أطلب منكم .. ولا كان هو عرض الموضوع بنفسه على الإدارة .

"عااااش اوووووم التصريف " ههههههههه

مو حلوة بحقنا نرده .. أنا والله لو أقدر عطيته اللي يبي بس ما باليد حيلة

.

ع الأقل مو لازم تدفع كل المبلغ .. يعني منك شوي ومن غيرك شوي لين يكتمل المبلغ .. وش قلت ؟ وأنا صرااحة ما أجبر أحد ..

" أحس وده

هههههههه "

رد علي :

اختي نزف المشاعر انا مقلت اني ارفض

او غيره بس انا اقولك انا معرف الشخص يعني

الى يطلب مني علشان كذا انا ابتعد عن كل شي

فيه شبهات وبالنسبه لي والله معندي مانع ولا همني

سوا كثير ولا قليل بس انا مثل مقلت لك معرف الشخص

شخصيا وحتي لو على كلامك يشهر بنفسه مافيها

عيب ابد

حنا هنا كلنا اخوان ولا بينا اي شي لو يكلم

الاداره او غيره مراح احد يقصر بشي ابد

"صدقت

"

رديت عليه وحاولت إني أقفل على الموضوع

" حسيت إني مصختها معه ههههههه

"

مو لازم تعرفه هذا أخوك في الله قبل كل شي ..

المسألة كلها رقم حساب تدخل فيه المقسوم وانتهى الموضوع ..

" لاحوووووول هو غصب يعني "

ههههههه

مشكور والله يعطيك العافية .. والمعذرة أخوي ع الإزعاج .

/

في الختام نقولك تعيش وتاكل غيرها

وسامحنا على اللي صار .. والمعذرة ثقلنا عليك ..

واشكرك على رحابة صدرك واهنيك على اخلاقك العالية .

تحياتي

نزف المشاعر