منتديات الموازين الرسميه - عرض مشاركة واحدة - ~||* تعيــــش وتاكل غيــــرهــــــا *||~

غير متواجد حالياً

السلام عليكم ورحمة الله وبركاته

وأسعد الله جميع اوقاتكم بالخير والمسرات ..

ضيفنا هذا اليوم هو الشاعر والكاتب الكبير " شاعر المعلقات " الأستاذ عبد الرحمن العقيلي "

أرسلت له هذه الرسالة :

السلام عليكم ورحمة الله وبركاته

مساء الخير ..

عندي موضوع ودي أفاتحك فيه بعد إذنك ..

راسلني أحد الأعضاء وطلب مني أكون واسطة خير بينكم .

هذا العضو وده يينتقل لمجموعة الشعراء وأنت بعد الله راح تكون سبب في انتقاله ..

يعني تكتب له قصايد وهو راح ينزلها ب اسمه .. ويقول لا يشيل هم يطلب اللي يبي ..

شرايك بالموضوع ؟

( شرايكم عاد بالسيناريو بتاعي

) ههههههههه

رد علي :

مساء النور الشهر عليك مبارك
اسعدني تواصلك على الخاص
طبعا نزف المشاعر من الاقلام الحاظرة بشكل مستديم على هامش اي موضوع يتم نشره بمعرف عبدالرحمن العقيلي متابعتك لقلمي وتعليقاتك تجعلني من سابع المستحيلات ان اعتذر عن طلب بواسطتك العضو احسن الاختيار وعرف كيف يختار الاجدر للقيام بمثل هذه المهمه
ولايهمك فقط عليه يحدد الموضوع اللي يبينا نتحدث عنه محتو ى القصيدة وطنيه مديح غزل اللي يكون24ساعه تكون جاهزه القصيدة ان شاءالله
لك فائق التقدير

( صراحة اخجلني بذوقه ولطفه مايستاهل من يلعب عليه , بغيت أقوله خلاص هونت

هههههههه بس عاد يابنت دامك بديتي كملي )

رديت عليه وحبيت اعرف وجهة نظره :

اسمح لي أخوي يعني مايعتبر هذا غش للمنتديات ؟!!

لأن الإدارة إذا قرأت القصيدة اللي أنت كاتبها له راح تنقله لمجموعة الشعراء على أساس إنه هو كاتبها .. وهو أصلا مايفقه حرف في الشعر .. أشوف صراحة إنه لايستحق أن يطلق عليه لقب شاعر .

لكن براحتك إذا أنت راضي بهذا الشيء

طيب كم تبيه يدفع لك على القصيدة ؟
لأنه يقول اطلب اللي تبي ..

‏(‏ عاد إنتم يالشعار ماعليكم رقابة من وزارة التجارة

) ههههههههههه

رد علي رد مختصر ويبدو
إنه كان متحمس للسالفة ههههههه مستعجل وده يكتب القصيدة :

انا لاابيع القصيد اكتب قصيدة بدون مقابل

( ماشاء الله

.. يعني سبق وان كتبت !!

من الذين كتبت لهم ؟ هههههههههه بتفضحهم )

رديت عليه :

الله يعطيك العافية .. خلاص راح أقول له إذا شفته متواجد وأرد لك خبر .

تحياتي وتقديري

( مافيه عضو ولاشي كان مجرد مقلب .. واتوقع إنه للحين ينتظرني أرد عليه واقوله وش نوع القصيدة اللي بيكتبها ههههههههههه.)

/

وختاما نقول لك تعيش وتاكل غيرها

.. والعذر والسموحة .. حبينا فقط نخلق جو من الطرافة والفكاهة

بيعدا عن الرسميات ..

واشكرك اخوي عبد الرحمن على اريحيتك وكرم اخلاقك

..

دمتم بسعادة

نزف المشاعر