سلامٍ من بني عاقل يليق بشاعر الجزلات=يقوله شاعرٍ من فضل ربي مرتفع قـدره
اثر علي الدجيما حي مايحسب مع الاموات=ولو ان الله الله قالها يمديه اخـذ عمـره

هلا يامرحبابك يالعقيلي وبرك الحـزات=وهذا من فضل ربي ولا تفرح ولا تكره
ترا علي الدجيما مايهمه هـادم اللـذات=مدام انه سوات الموت له هيبه وله سكره

الاياراعي العمره الا يامقلـب الهافـات=فرحت برجعتك ياعبدلي من طرقةٍ خطره
وانا خابر بدربك لنبةٍ ماهي كما اللنبات=تحرا لك على حيد الطريق وتاخذ النمره

تشره يالعقيلي وانت ماتسلم من الشرهـات=وانا خابرك تجهل فالامور ولامعك خبـره
مصير محمد مبارك مصيرك ينور السادات=تبا تنصاد في صلبوخ ولا من ورا النقـره

بلاش نعالج الماضي ترا ماراح فات ومات=تعال نشوف راع الصبر يوم انه نفذ صبره
ظريبة تندبل في حق ابوتالي الشهر بالذات=تعذر قال ابا الراتب يجي محدن قبل عذره

نعالج وش نعالج والعرب تبحث ورا الصفقات=احد يسلم من الجمره وحد ياطا على الجمـره
لاكن اطلب من الله يرحم المسلم من النكبات=ترا ماحل في بيروت حـل العـام فالبصـره

اشوفك منت ناوي شي والاعمال بالنيـات=موظف بالجهاد وراتبك ماهوب من كثـره
دخيلك ماطرا لك شي وهاذي بيننا بسكات=اشوف الناس في نكبات والاوضاع مندمره

ليا جاتك من القاضي عليك الصمت والانصات=ترا بعض التصرف يودع الرجال فـي قبـره
مصيبه والقسايم للمواطن جابـت الجلطـات=ومن لاجاه جلطه لاشكا السكر عطـوه ابـره

قسايم والقسايـم فـي زمنـا عيـت العيـات=مصيبة كارثه يجنـي ثمرهـا راعـي الفكـره
يصورها على الماشي كذيا ان جات وان ماجات=تاخـر لاتسـدد لاتسـدد والـوعـد بـكـره