منتديات الموازين الرسميه - عرض مشاركة واحدة

غير متواجد حالياً

مشاركه اولى ارجو ان ترتقي الى مستوى الذائقه والشكر موصول للاخت
الشاعره ملكة القوافي لتعريفي بهذا الصرح الادبي الشامخ بمن فيه.
صمت المكان

حبيبي لو سألتك والجواب احساس تسخابه
لبى قلب المعنى كيف احضابه وهو مرتاب

أذا امكن نجاوب بعضنا بشعور نرقابه
ونشعل للفرح شمعه على قمه بدون عتاب

وننهي مسألة هجرك بدون اوعود كذّابه
مع اني اعترف بجروح واكثرها من الأصحاب

نزف اوسع شرايني وكان الغير اولى به
مع اني احتضن جرحي وآلآمي وانا منصاب

طويت الماضي المضني مع اني دوم اشقابه
تجمد في عروق الذات والحاصل جليد و ذاب

على طاري أنين الوجد والصيحات تتشابه
حناجرنا تصيح الآه والصيحه تهز الغاب

لو الصيحه من الجارح أو الزاحف أو ذيابه
أقول الغاب ما ترحم سكن فيها عظيم الناب

مع انك ريشة الأحلام بفكاري وتزها به
أحاول ارسمك بسمه على صفحة غلاف كتاب

تجي نرسم على لوحة جدار الصمت عنابه
ونحيا في جسدها علها تفتح لنا ابواب

ونغمد من خناجر هالألم في قلب نحيابه
ونصرخ صرخة العاشق ولا هي حنجرة كذاب

لأني من بديت اسأل عن اللي طول غيابه
نطق صمت المكان اللي يحاول يظهر الأسباب

وانا خايف يثير الراكد المكنون بسبابه
ألا يا خلي الغايب على بالك نعيش اغراب

أنا صمت المكان اللي جرحني كثرة عتابه
على الأطلال عاتبني ويسألني عن الغياب

انا نبض الشعور اللي عسى في يوم تبقابه
تعيش بداخلي ذكرى وهيم بدنيتك منساب

على ذي الشاكله العشاق اشجار بوسط غابه
على موعد مع الموقد وفاس الموت للحطاب

الشاعر الاعلامي ابراهيم الحنيطي الغيهب