بسم الله الرحمن الرحيم
هذه مشاركه جديده امل واجتهد ان تنال على رضى الجميع
الصاحـب الـي مايضـيـق لضيقـتـك لتصاحـبـه
تحـرم عليـه الـخـوه الــي فالـزمـن يسعالـهـا
والأمـعـه لقـالـك فـــي هـرجـتـه لاتحـاسـبـه
لانــه مايـعـرف هالـعـرب احكامـهـا وامثـالـهـا
بليد عقـل(ن) والنصحـك فالسالفـه لاتناشبـه
ضعيف نفس(ن) فالزمـن هـي حالتـه يرثالهـا
يحسـب علـى الايـام ويخبـرك فــي تجـاربـه
ويقـولـك هاتـجـربـه مـالــي ومـــال اعبـالـهـا
والتجربـه حاجـه صغيـره ماهيـب والله غالـبـه
كـد غيـرت فــي وجهـتـه جنوبـهـا وشمالـهـا
والصاحب الي دسـم الشـارب علـى مخالبـه
يبـرك علـى الحملـه يشيـل اخفافهـا وثقالهـا
حـر(ن) ليـا جـات الدوافـع فالمصايـب ضـاربـه
يضـرب علـى الكايـد ويجعـل هالبكـاء لعيالهـا
لابــارك الله فــي رجــال(ن) لـلــوازم هـاربــه
حـرم علـى يمنـاك لاتصافـح يميـن اشكالـهـا
اهل الردى واهل الفشل رديان ماهي شاربه
من حوض عـز(ن) لنقـى مـال الـردي ومالهـا
والخـوه الــي لرذيـلـه فالـزمـن هــي خـاربـه
مـال الرذيلـه ياصحيـبـي غـيـر دوس احثالـهـا
وخذ النصايح والردي فـي هالزمـن لاتصاحبـه
حـرم علـيـه الـخـوه الــي فالـزمـن يسعالـهـا