جاني بشير الحُب وانهى المسيره=في وسط عيرن شايله رووس الاشواق
حامل من اثواب الغرام وحريره=والقى بعضها فوق ظُلمات الاحداق
منْه البصر إرتد ويّا البصيره=واضحى غياب الشمس في عيني اشراق
دخلت مصر الشوق واسمع خريره=نيل المحبه فايضن حدّ الاغراق
جاني الحبيب وخطوته مستثيره=سيل المشاعر شتت الفكر اعراق
قال الهوى مكتوب في كل سيره=نظرة عشق تالي تجاريح وفراق
لكن هواكِ فك اسر السريره=عن وصف عينك وسْع تاريخنا ضاق
إنتي الوطن وانتي الحدود واميره=وإنتي الشرف من دونها قطع الاعناق
العين اضحت عند عينك كسيره=والقلب امسى خادمك جاك مشتاق
عدت دقايق بالفرح مستنيره=لكن عقاربها ورى سمها ازهاق
طالع يمينه قال.. بالقلب حيره=ودي بحبك لكن القلب مافاق
واقفى يتمتم بعدنا اليوم خيره=الحب حرمته الى لفة الساق
ناديت إبعد والفلك مايثيره=نجمن سقط منّه يجازيه باحراق
لكن قبل لاتغيب ودي تديره =امرالبشير اللي على الحب تواق
يرمي ثيابه لجل ارجع ضريره= ورحم الليالي يولد الفجر بارهاق
واحتاج قلبن واقف اليوم زيره=ماعاد يهوى رقصة دموع الامواق
بالمختصر بكتب عباره قصيره=حبر الكرامه ساكن بطون الاوراق
حبك بريح الموت فايح عبيره=وحبي قبر ضمه بمقْبرة عشاق