يابوي تبكيك القصايد والاشعار=ويبكيك ذود(ن) يدري انك فقيدة
ويبكيك ضيف(ن) جاء من البعد زوار=ناص(ن)محلك يازبون السديدة
وتبكيك ضلعان النواصف والاشجار=اللي بعد فرقاك ماهي سعيدة
ويبكيك جار لاعته غبر الاقدار=تضفي عليه الخير لو هو بديدة
ويبكيك عود(ن) ضامته سودالاقدار=ضعفت قواه من اجل موتت سنيدة
بأهل دمع العين لوصار ماصار=وما انساك لوراحت عيوني فقيدة
وختامها صلوا على سيد الاخيار=المصطفى ابو الصفات الحميدة