منتديات الموازين الرسميه - عرض مشاركة واحدة

غير متواجد حالياً

يا ونة ونيتها يوم الاثنين
من ونتي خطرن تصرم ضلوعي
يا ويل من حده زمانه على البين
ماله جدى يا كود هل الدموعي
او ونة اللي ضايقوه القريبين
داره جفاه وضايقوه الربوعي
او ونة اللي لاعه الفقر والدين
ومخالفه حظه بكل السنوعي
يالله يا قابل صلاة المصلين
نطلبك في سجداتنا والركوعي
تفرج لعبدك يا منجي هل الدين
الليل يسهر والخلايق هجوعي
سهران طول الليل والناس ممسين
نومي يابومحمد على راس كوعي
كله سبايب داعج العين يا حسين
سافر ولا عقب السفر له رجوعي
يالله يا جامع قلوب المحبين
انك تردلي حسين الطبوعي
وختامها عداد ما ترمش العين
سلام للجمهور من كل نوعي
وصلوا على المختار سيد النبيين
الهادي اللي للخلايق شفوعي.

الشاعر: خالد متعب القلعاء