بسم الله الرحمن الرحيم
السلام عليكم ورحمة الله وبركاته
هذي قصيدة غزليه من نوع ثاني اتمنى تحوز على الرضى والقبول

نسايم الشوق هبت والمحاني عراض=والعشق علْقْ شياطينه براس اصبعي
واصابعي تفرك المسباح والهجس فاض=والشعر سيطر على فكري وزار اضلعي
ما ينفع اللوم لو قدم عليه اعتراض=وش ياخذ الريح بالعاده من الاصلعي
ما جمْل الكون بعيوني ياكود البياض=ولا يطرد النوم عنها كود وهْجْ اشمعي
حفرة للعشق بير ولا حصل يوم غاض=مليت هـ / البير من عشقي لها بدمعي
اسقيتها صبح وامست في سدودي فياض=واشرفت واقف عليها والرضى مربعي
يا كثرها كل ما غمْضْ بدون امتعاض=اشعر بها في جزيئات الخلايا معي
ويا طولها كل ما تقصر تزيد انتهاض=ويا ثقلها يا رشاقتها لا قلت اسرعي
لا شفتها يوم ترخي جيدها بنقضاض=اطرح من الشوق عمري واقسمه واجمعي
هذيك لن تمتمت صمت الشفايف يغاض=وان جات بالصمت من يرضي حنين اسمعي
فديتها لا ترازم صوتها ثم ناض=وتفردة بالسؤال اللي يبيله وعي
غنيت بالمملكه والشعر فيها استفاض=وش ميْز المملكه عن غيرها يا اصمعي؟
جاوبتها قبلة الامه وبير وحياض=وطواف هاجر على البيت الحرام وسعي
وآخر نبي ووال العزه وقو إنقضاض=على أكبر اصنام في وسط الحرم توضعي
ومسجد رسول الله وقبره وقطعة رياض=وزوجاته وصحبه ومجدٍ خذله الرعي
والشعر معروف فيها قبل يولد عكاظ=والجود في ناسها ما هو خطى مطبعي
يا كثر ما اعشق شعاع الشمس لسرع وراض=كل ما يقبل ثراها قبلته ازرعي
ياحظ هـ / المملكه في عاصمتها الرياض=ويا حظها بالذهب لو كان ما يلمعي
اقــــرى تفاصـيـلـهـا والــــراس فــيــه انـتـفــاض=من كثر فخري بها فوق القمر موقعي
ما ينقرض عشقها يالين يوم انقراض=العمر . واسمى غلاها باذره بفرعي
لو النساء نوم بعيوني غلاها وقاض=وعذري لها ما يزيد البوح غير وجعي
المملكه سامرتني والهجوس استفاض=وصورتها بنت تسألني وقلت اسمعي
جواب صادق كتبته ما دخله افتراض=يقين عشقك وعشقك منبعه منبعي
قدمة ردي على عذري وصدري بياض=طيري من الصدر فيه وبالغلا وقعي