-




كشري خليجي بالخضار والدجاج

كشري خليجي بالخضار والدجاج


بسم الله الرحمن الرحيم
أشحاكم
أنا بصراحه اليوم حبيت أقدم لكم أكله مشهوره وهي الكشري أن شالله تعجبكم


المقادير
حبة دجاجه بدون جلد
حبة طماطم مقطعه مكعبات - حبة بطاطس مقطعه مكعبات - حبة جزر مقطعه مكعبات
حبة فلفل رومي مقطعه شرايح - نص حزمة كزبرة مفرومه - بصله مقطعه شرايح - فصينين ثوم
كوب بازلا - كوب عدس اسمر منقوع في موية حاره



البهارات للدجاج ((عودين قرفه - حبة ورق غار -خمس حبات هيل - حبتين فلفل اسود- حبتين مسمار- ملعقه كبيره كركم - مكعب ماجي - معقة ملح))



بهارات الحمسه ((ملعقه صغيره فلفل اسود - ملعقه صغيره كمون - مكعب ماجي - ملعقه صغيرة كزبره مطحونه - ملعقة كبيره بهارات مشكله مطحونه-ملعقه ملح))


ملعقتين صلصله - زيت للطبخ



الطريقه


اول شي اسلقي الدجاجه في البهارات ((عودين قرفه - حبة ورق غار -خمس حبات هيل - حبتين فلفل اسود- حبتين مسمار- ملعقه كبيره كركم - مكعب ماجي - ملعقة ملح))









بعد كذا اسلقي الرز نص استواء في مويه وملح وزيت





حطي البصل والثوم في شوية زيت عالنار



قلبيهم لما يحمرو وحطي فوقهم البازلا والبطاطس والجزر




قلبيهم زين وغطي عليهم 10 دقايق
بعد كذا حطي عليهم البهارات ((ملعقه صغيره فلفل اسود - ملعقه صغيره كمون - ملعقه صغيرة كزبره مطحونه - ملعقة كبيره بهارات مشكله مطحونه-ملعقه ملح))
والطماطم والصلصه



وقلبيهم زين وغطي عليهم خمس دقايق بعدين حطي عليهم العدس




قلبيهم واتركيهم 10 دقايق



بعد كذا افتحي عليهم وحطي عليه كوبين من مرقة الدجاج او اكثر يعني تكون كميتها تغطي الخضار
بعد كذا حطي الكزبرة المفرومه مع الماجي
اتركيهم على نار هاديه 10 دقايق






بعد كذا تكون نشفت شوي من المرقه رصي عليها حلقات الفلفل
وحطي الدجاج





حطي الرز واذا حابه اضيفي الصبغه
غطي عليها واتركيها على نار هاديه لمدة عشرين دقيقه




وقدميها
بالخيار والجزر والكزبرة المفرومه





ممآ رآ آ آقْ[ليْ] !