-
زانت علومك على ماقلت يالغالي
وش عاد باقي تقوله غير ماقلته

خلاص يعني طفى شوقك ولاتبالي
دافي الغلا راح من قلبك وهملته

مادام راح الغلا وش عاد يبقالي
غير العنى الي من اسبابك تحصلته

أستاهل الي حصل من كثرة ارسالي
لياكتبت الجديد أل شخصك ارسلته

أبدع جديد الشعر وأجر موالي
وتقول في غيري الموال مولته

خلاص ماعاد أنا مرسل بجوالي
يكفيني اللي حصل لو ماتقبلته

لكن عهد والعهد دايم على أمثالي
ميخون عهده ولا عمري تجاهلته

أن الغلا مايتزحزح منه مثقالي
أن كان مازاد لا متهون منزلته

غالي وتبقى بعيني دايم الغالي
وقلبي لغيرك حرام اني ماحللته


منقول ...