العمر روح من لياليه ثلثين= والعلم عند اللي عليه أتكالي
نمشي بها لاكن مدري على وين=ومن جورها ياعناد واعزتالي
تعالوا اخذوا مابقاواقضوا الدين=أخذوا ثيابي كلها والبدالي
عشان لاحطوني بوسط ضلعين=وكبوا علي من الحصا والرمالي
في حفرتن ماطولها غير مترين=مترين فيها من الهلع والهوالي
ارتاح والراحه تعرفونها زين=ومن بعدها الرحمن ينظر بحالي
حت ايش لو قضيت تسعه وعشرين= العمر فرصه والغدر ف الليالي
منول(ن)اقول ابي بس ورعين=ورعين يكساهم غلاي ودلالي
ثم الولد يطلع مثل تركي الفين=رجال ويشيل الحمول الثقالي
ويفرح الياجوه الضيوف أمتعنين=وأفرح أليا قالوا هذا من عيالي
واليوم ماظني بعدها تبا تزين=الا بامر الله عزيز الجلالي
اربع سنين مقابل العين بالعين=لاجفت عيوني ولا أرتاح بالي
والحال ضعف من طواريه ويشين=يابري حالي صدق يابري حالي
الوقت يجري والاوادم مقفين=ولا باقي الا اللي على الخلق والي
ويالله يقابل صلاة المصلين=ياواحد ماغيرك احد أمتعالي
تغفر لنا وكتب لنا الحور والعين=وتثبت الاقدام عند السوالي
هذي وصاتي في صروح الموازين=ويدري بها جدي وعمي وخالي