ممشى السعه بالربيع أن صرت متعمّد = أخير من شاطي السيف وبحر جده
اليوم دوجت أنا واياك يا محمد = وطلق وطالع وبدر وراعي مصدّه
غربٍ من غيينه اللي طلحها ممّد = ريح الخزامى يجيه النود ويردّه
حرّك هجوسٍ بوسط القلب متجمّد = حس الحويّر وابو نايف له يودّه
والمزن يردم وبرقه بالسماء عمّد = رعّادها زلزل مجزّل على شدّه
وغالب رمى بالحطب والجمر ما رمّد = وكلٍ يصالي على صلوا الحطب خده
بدر بن مدلج تصلى وشكّر وحمّد = وصلال جاب الدلال وقرّب العدّه
وطلق يسولف وطالع يضحك وممّد = ومحمّد يضبّط الصوره على قدّه