يامرحبا ترحيبةٍ تضفي على غرب القصيم=ترحيبة تضفي على عيال الدجيما كلها

دام البقا ياللي ترحب فالشفاء ولا النسيم=ياهل الرياض اللي ليا مني سريت ادلها
انا على نهج الرجال اهل الشجاعه مستقيم=اعز ناس(ن)من فضل ربي وناس اذلها

مالك ومال اهل الشفا والشرق وافهم يافهيم=خلك بظل الشجره اللي تستظل بظلها

انته طعنت الطعنه اللي وقعت وسط الصميم=بسيوفك اللي لنتفخ راسك قعدت اتسلها
بس انتبه لاتلتفت يمي ترا ماني يتيم=انا لحالي لو اجي حاذه تراي احتلها

لا لا حشا مانطعن اللي من مثل شخصك حشيم=مثلك ترا تضحك لها الدنيا وتفرش زلها

يراعي العقل السليم اكيد فالجسم السليم=كم واحد(ن) تدخل عليه اعلوم مايفطن لها
انكان جوك غيم من حضك ترا ربي كريم=بكره تعوذ من ذنوبك والاغاثه صلها

حنا ترانا عيال ادم من مواطن او مقيم=وانا رفيقك وانت عادات الوفا راعٍ لها

يابو حمد ناري تراها ماتولع فالهشيم=وانته بعد حاول علوم(ن) ماتناسب زلها
وانكانك امصمل ابيك اتقول والله العظيم=ان الجزيره ماتراسلني وانا مرسل لها