صفحة العشاق
كُتب : [ 25 - 04 - 12
- 04:49 PM ]
صفحة العشاق
العام ياسلطان أناديك وتجيب = واليوم عال الصوت منته بحوله
والعام لي في كل ديره معازيب = واليوم ياسلطان مجهول دوله
والعام أعدي في طوال المراقيب = واشوف خلي وين حلت نزوله
واليوم في مرحانهم يقنب الذيب = لاشفت منزاله ولاشفت زوله
والعام يرعى صاحبي شمخ النيب = واليوم قصره مغلقات قفوله
والعام نجلس بين ضلعان وشعيب = ولنا بتال الليل صوله وجوله
أسري لياخافت قلوب مراعيب= أمشي على الاقدم حتى وصوله
آطا الافاعي واقطع الشك والريب = لجل شفاة حاليه ومعسوله
آجيه لو دونه سيوف محاديب= ولعيونه آطا الموت عرضه وطوله
ودرب الهوى مابه مذله ولاعيب = قلته وقدمي ناس مثلي تقوله
واللي بيلحقني كلام وعذاريب = ماهو كلام الله ولاعن رسوله
أخذت فالدنيا دروس وتجاريب = وفي صفحة العشاق أخذت البطوله
واليوم ياسلطان جنبت تجنيب = جنبت دربه وافختتبي ذلوله
شربت يوم العد صاف المشاريب = واليوم غثرب والكثير وردوله
أحد يمثل دور جساس وكليب = واحد على عمياه يسرج خيوله
ومادام صار العشق لعريج وعضيب= إذا رضوبه ناس أنا أرفض قبوله
صلبت من فوقه وشطبت تشطيب = دام الزمن يضحك لعميه وحوله
وأسند على منهو يعرف المواجيب = سلطان تاج المعرفه والرجوله
راع الوفا راع الكرم راعي الطيب = وذرا لمنهم فالشدايد عنوله
شاعر وماهر من كبار الواعيب = والشعر كله دارس في فصوله
شاعر الغربه
شبل عصيم الميزاني
|