راحو رجال المعرفه والمهمات ..
كُتب : [ 04 - 08 - 12
- 09:31 PM ]
اقفت علينا سود الايام عجلات=اقفت وهي بعمارنا مسرعاتي
وبعض البشر فالمدن من ضمن الاموات=وتحولت جلساتهم للخواتي
ولا ينفع الترميم شيء(ن) بعد مات=ولا عاد ينفع فيه طوق النجاتي
راحوا رجال المعرفه والمهمات=اهل الكرم ومطوعين العصاتي
واللي بعدهم مايعرفون الاوقات=جيل(ن) يهجول مايعرف المباتي
اللي على الجوال واللي على الشات=وعاداتهم في سلة المهملاتي
في مجلس العادات يبقا مع الذات=مايستفيد وراح فكره شتاتي
مشغول بالبيبي يقرا الرسلات=مشغول لو أنه كثير السكاتي
شغل(ن) بليا فايده كل الاوقات=عزي لجيل(ن) دمروه الغزاتي
غزو(ن) لفانا من بعيد المسافات=معاد يسلم منه حتى الرعاتي
ليت الشباب يحط في الجيش دورات=مع بدلت الميدان يلبس جواتي
خدمة وطن لوهي بليا معاشات=ويصير من دون الوطن للغزاتي
تدريب في الصحراء وبعد المسافات=ومن البطوله ياخذون الصفاتي
يبعد عن الشارع وقرب البقالات=والبس عقب الشين زين الحلاتي
هاذي ملخص قلتها جمله ابيات=في مجتمعنا شفت متغيراتي
ونختم على سيد البشر بالصلوات=اللي على دينه جميع اللغاتي
وسلامتكم....
|