أسعد الله جميع أوقاتكم بكل خير

رباعيه مابين مطير وعتيبه

جمعت

زيد العضيله وتركي الميزاني

مع

ملفي المورقي وحزام العصيمي

وأتمنى أن تحوز على أعجابكم
--------------------------------------------------------

تركي





يارفاقة خير طال الليل والدعوى طويلـه xx رتبوا صفينكم واللعب ماهـو كـل ليلـه

والزناد يشب ناره لالمس خشـم الفتيلـه xx وأن بغيت الصدق ماشال البيوت ألا عمدها

رتبو صفينكم والليله الدعوى طويلـه xx بتدا حسم المواقف وأبتد القاف الرباعي






زيد




ياعتيبه قابلونا وأهرجوا هرج الصراحـه xx ولانبى منكم ليا كبرت سوالفنـا سماحـه

كل طيرن نجدته لاجا مطيره من جناحـه xx وأن بغيت الصدق ماشال البيوت الا عمدها

الرجال لها حـدود وتركـة الواجـب فشيلـه xx أهرجوا هرج الصراحه مال بعض الهرج داعي






ملفي




الكلام اللي تقولـه قلتـه البـارح لحالـي xx قبل لاتبدا السراير بين الأقصى والموالـي

وأنت لاتبكي ليا ناظرت في سود الليالـي xx وأن بغيت الصدق ماشال البيوت الا عمدها

ياصحيبي ياصحيبي سرها باحسن وسيله xx الفتى مافي يدينه علم وأمر الله مطاعـي






حزام




أستوا الميقاف والمعنى على فني وذوقي xx يامطير حقوقكم تثبت وأنا باخذ حقوقـي

الله اللي قطكم مابين برقـاوي وروقـي xx أن بغيت الصدق ماشال البيوت الاعمدها

ياطويل العمر تال الوقت مابه مستحيلـه xx الله اللي حول الغزلان في حلوق السباعي






تركي




أنت ياملفي علومك كلها ماهـي غريبـه xx يالصحيب اللي ليا قفى يسولف في صحيبه

والشكوك بعيد ماتاصل مطير ولا عتيبـه xx وأن بغيت الصدق ماشال البيوت الاعمدها

كل واحد ياولد مزيد عرفنـا وش حصيلـه xx والحضيض اللي يسفركم على النقل الجماعي






زيد




لاحصل منا قصور ولاحصل منكم خطيـه xx والرباع تشاف معروفه مثل سـن الثنيـه

والمواجه ياعتيبه من عصـور الجاهليـه xx وأن بغيت الصدق ماشال البيوت الا عمدها

ياعتيبي جتك حمى تتبع الحمى مليله xx والعرب ماتجهل بس الثنيه والرباعي






ملفي




انت ياتركوه سارن طول ليلك منت داري xx عن تحاويل الطريق وعن جديدات الكباري

مار فارقنا مع البيدا وخذ زيـد المطـاري xx وأن بغيت الصدق ماشال البيوت الا عمدها

جنبوا عنا ترا العتبـان وطيتهـم ثقيلـه xx وأنت ماتصلح هجوم وزيد مايصلح دفاعي






حزام




أن بغيتوها مزوحن عابره والستـر دايـم xx وأن بغيتوها تحدي أقربـوا والحـظ قايـم

ويش تذكر عام الأول يوم عصبنا العمايـم xx وأن بغيت الصدق ماشال البيوت الا عمدها

أنت شمسك للغروب ومقفيه مافيك حيله xx مير هيا ودع المطران قدام الوداعـي




تركي




أنت ياملفوه نارك خمدت ماحتـر جمـرك xx والأمر للواحد المعبود وأنت يرفض أمرك

وأنتبه للأوله والثانيـه لا طـال عمـرك xx وأن بغيت الصدق ماشال البيوت الا عمدها

الوعد قدام والما ماتغطيه النثيلـه xx والحقيقه يالعتيبي مايغطيها القناعي






زيد




يالثنين الله يعوض فيكـم الروقـه وبرقـى xx كل واحد مع ملفات الهـدا ينـزل ويرقـى

وأن بغى يغزي سواة الناس يركب فوق زرقا xx وأن بغيت الصدق ماشال البيوت الا عمدهـا

قالوا أن حزام سافر قلت يامقرب مقيله xx ليلتن يبن الشراع وليله يهد الشراعي






ملفي




أنت ويا زيـد قومـن لاهنـاك ولا هنيـا xx عندكم علم يدور بروسكـم والحـظ عيـا

حظكم فوق الثرى وحظوظنا فوق الثريـا xx وأن بغيت الصدق ماشال البيوت الا عمدها

أنت تدري أنا عرب ماناخذ الدعوى بحيله xx نحتميها باللسان وبالضلـوع وبالذراعـي





حزام




زيد تال الوقـت ياشعـار مايكتـب مايقـرا xx أحسبنه معه مال وصار مـن شعـار فقـرا

وأن غزا مثل العرب مايغزي ألا فوق خضرا xx وأن بغيت الصدق ماشال البيوت الا عمدهـا

أن غزينا مانجيب الفيد من كف بخيلـه xx مانعود لين ناخذ جوخة الشيخ الشجاعي




المحاوره منقوله ..


ولكم خالص ودي وأحترامي

اخوكم / الــشـــلاحي 503