يا جرح لا توقف بجنب المقاديـر / أنا اللي محتاج وجودك ووقفتك
أوقف معي حتى ولو ماني بخير / تكفي عن هموم المقادير شوفتك
أوقف معي لو صار فيني وش يصير/ أخدمني وأنا ياجرح قلبي في خدمتك
وشلون تتركني وتوقف مع الغير / وأنا اللي في حاجة حنانك وطيبتك
لا لاتعذر وش تفيد المعاذيــر / كانك تبي تبعد وترحل سلامتــك
أسرارنا من بيننا خلها بيــر / هذه الوصية وأنت عطني وصيتك
ياصاحب اللي رحت من غير تبرير/ وشلون تقطع بسهولة علاقتك
أنا أتوقع كل صدمة معي ميــر / وشلون؟ بستوعب ياجرحي نهايتك