المشاركة الأصلية كتبت بواسطة أبن مدلج1 مساكم الله بالخير اعجبني الشداد والمعاميل والبندقيه عزالله انك مطنوخ ياخو مها ديرة الصيد ياخو عمر محميه ------------ مابقى غير ديرة برق الارياشي ــــــــــــــــــــــــــــــــــــــــــــــــــ ــــــــــــــــــــــــــــــ ياما حلا المقناص برض بها صيد ----------------------------؟

يا مها أبا خبرك عن قصة حياتي=أعرفي سلمٍ ورثته عن جدودي
سلمنا يابنت نطح الواجباتي=ما تعودنا عن الواجب صدودي
ومكملين الدين بفروض الصلاتي=وحفظنا للدين نرقا به سنودي
وعشرة أهل الطيب نوعٍ من صفاتي=ناخذ الماء من رواهيج العدودي
يوم نذكر لك فعولٍ ماضياتي=نعلم أن الشبل يولد من أسودي
كم تحملنا سنين قاسياتي=وكم قطفنا عقب شده من ورودي
زين وقتٍ يامها ولا*..وفاتي=ليت وقتٍ يامها ولا* يعودي
مع رجالٍ يفعلون الطايلاتي=ومع عناق الريم سمحات الخدودي
يوم نمشي بين ريضان النباتي=نلتقي في مرتع الصيد ونعودي
ما تمنى عيب ولا معجزاتي=مير أحب الزين من كل البنودي
السلوم الأوله طيب وبراتي=والحما دايم نعرفه بالحدودي
يوم أعبر للصغيره من بناتي=تطلب الأخبار وأعطيها الردودي
وقتنا اللي بالسنين السابقاتي=يختلف عن وقتنا الحاضر بزودي
بالنقا والصدق والعلم الثباتي=والشرف والطيب مع حفظ السدودي
سلم ماضينا بدون مجاملاتي=واضحٍ معروف ما يبغا شهودي
الرجال كرام وهن مكرماتي=والردي في جمعهم ماله وجودي
لو حصل بين الجميع مساجلاتي=مالهم يم الردا عينٍ لدودي
هم مناهل طيب وهنه طيباتي=وطيبهم ما يجحده غير الجحودي
ومن عرف عن قصتي يقضب وصاتي=كان وده بالترفع والصعودي