ليت السفر بين المحبين ممنـوع
تحجز جوازت المحبين بالذات..!!
حتى لو أن السفر حق مشروع
المشكلة.. لأهل الهوى حزن وآهات
لاغاب خلّك والرجاء فيه مقطوع
لا رسايل توصلك ولا اتصالات
الخط مغلق...كنّه (الكرت) منزوع
من ضيقتك تلعن جميـع الاشتراكات
تضرب على الكفّين والقلب مفجوع
تضيق بك بعده جميـع المساحـات
في ليل دامس ضايعٍ مابه شمـوع
الفكر تايه فـي دروب المتاهـات
العين تذرف بالدقايق له دمـوع
و القلب عايش بين حسره وونـات
لو انك تجر الصوت ماهو مسموع
ياطول مـا بينـك وبينـه مسافـات
يمكن ظروفه مامشت على طوع
ويمكن سلا فكره بروحات و جيّـات
الجو صافي بين خضره وينبـوع
وأنا بسموم(الانتظار) مالي إجـازات
بس الأكيد أن الغلا فيك مزروع
(الحب) يبقى في القلوب ولا مـات
الصدق قلته والزعل دوم مرفـوع