.................. صباح ارق من الورد
كل عام وانتم بخيـــــــر .. وعيدكـم مبارك ..
قصيده للشاعر المبدع / فهد المفرج
\
\
قل عيدك مبارك ترى الليله العيد
عيد الفطر ماهوب عيد الضحيـه
وش ينبغى بالعيد مادامك بعيـد
وش ينبغى به وانت زعل ٍ عليـه
حب العرب ينقص وحبي لك يزيد
حبك صواب وحب غيرك خطيه
اسهر الى نامت عيون الاجاويـد
مير الله اقوى ياالعيـون الشقيـه
لاتحسب اني سالي ٍ يااتلع الجيـد
تطري عليه كل صبـح وعشيـه
وحياة رفاع السما مروي البيـد
انـي عليـل وعلتـي باطنـيـه
ذبحتني ياحـول يافاتـن الغيـد
اثرك خـوي ٍ مايراعـي خويـه
لولاي اداري الهرج وادرا المناقيد
من خوفتي لايكثر الهـرج فيـه
لنهبك في غفلة عيون الحواسيـد
واسكن انا واياك بارض ٍ خليـه
تبي الصراحه ياصدوق المواعيـد
الحال من عقبـك تراهـا رديـه
عز الله انك ظبي من شرّد الصيد
واتعبت سادة قنـص وبوارديـه
لايامهددنـي بالابعـاد تهـديـد
يكفي التفاته منك تحسب هديـه
بالله عايدني ترى الليلـه العيـد
عيد الفطر ماهوب عيد الضحيـه
\
\
ودمتم بخيــــــررر
حلااااااااااااااااااااااانجد
