منتديات الموازين الرسميه - عرض مشاركة واحدة

غير متواجد حالياً

يا كثر ما جا التميمي من عذاريبي
ويصبر على اللي نقوله صبر مسجوني
وانا الطواري تجيني نوب وتغيبي
ولا صحيت باللي قلت مجنوني
تدري ولا غير شخصك شخص يدريبي
وبعض العرب يالتميمي ما يعذروني
وذكرت عبدالمجيد القرم وصحيبي
وقامت بيوت القوافي تسبق لحوني
أشهد انك من أرجال المواجيبي
وتهمني والأوادم ما يهموني
ملكتني بالوفا يا راعي الطيبي
والطيب له عندكم ميزان وفنوني
الباب مفتوح مع حلو التراحيبي
والكيف من دلتي فيها أشقر اللوني
من حب خولان مورد ساع ما جيبي
ومقنده زنجبيل وهيل مطحوني
هذا كلامن وكاد وصح ومصيبي
شفته ولاني مصدق من ينموني

الشاعر :خالد متعب القلعاء