يا كبر شوقي لو تشوفـه بعينـك = حرمت تقطع يا غرامي وصالـك
تعبت أنادي وأسال الناس وينـك = وحشتني وأكثر وحشنـي دلالـك
قلبي وهو قلبي نبض في يدينـك = ترك شرايينه بصـدري وجالـك
يا قلبي الملهـوف ربـي يعينـك = وشلون قلي بعد مارحـت حالـك
والله مادري وش تخبـي سنينـك = ولا أدري بعد وشلون بيكون فالك
هواك شوقك في الحياة وحنينـك = يعني كذا ولا كذا الحـب هالـك
مابي خلاص أسال ولا أقول وينك = ببعد وابقطع في المحبـة حبالـك