الشيـب شفتـة بالمرايـا وصديـت = ماكنـت اصـدق ان ذالشيـب فيـه
اثر الزمن يطـوي رحالـة ووليـت = وراحت سنين العمـر وش هالبقيـة
من بعد شفت الشيب في الراس حنيت = حنيـت لسنيـن تـوالـت علـيـه
سنيـن ذقنـا المـر فيهـا تجنيـت = وياكـم تكبدنـا صـنـوف البلـيـة
ذقت الحلا في بعض منهـا وتهنيـت = مرت علي مـر الصبـح والعشيـة
وسنين ياكم تهـت فيهـا وتماديـت = مابيـن سـب وظـلـم ولا قفـيـة
ويا كم تحملت××× وجريـت = جريتهـا ومثـل جــر المطـيـة
وسعيت في الدنيا وكم صبت واخطيت = واللي مضى على الناس يمضي علية
ودارت بي الدنيـا ولا يـوم ونيـت = وقضيتهـا مـا بيـن شمـس وفيـه
يامرحبا يالشيب مـن يـوم حليـت = تظهر علـى نفسـي امـور غبيـة
يالشيب ماخوفـت قلبـي ولاحديـت = الا مـواريـد بتـقـبـل جـلـيـة
انت النذير اللي على البـاب طليـت = وصلت حد البـاب وش عـاد ليـة
معاد لي الا التوبة ان كانـي ابكيـت = وسالت انـا المولـى ورب البريـة
وقلت توبـي يانفـس قبـل ياليـت = معـاد ينفـع ليـت وقـت المنـيـة
صومي وصلي ثم حجي الى البيـت = وروحي الى طيبـة ومسجـد نبيـة
وتزودي بالخير من بعد مـا اشقيـت = نفـس تعاندنـي ونـفـس عطـيـة
وان عشت يانفسي من الخير جنيـت = جنيت لـي مجنـى الثمـار الهنيـة
يـارب تغفـر زلتـي يـوم زليـت = وانـك تجنبنـي الزلـل والخطـيـة
وعلى الرسول ازكى سلام وصليـت = وعـداد ماهلـت مـزون النشـيـة