يقولون العرب لاي القبايل تنتمي يافلان = ومنهم عزوتك وقت اللقا لاكبرت القاله

وجاوبت السؤال وسائله حنا هل الصمان = ولنّـا المعجزات ويشهد التاريخ واجياله

طرحنا الطائره يوم الصباح وروغت الاذهان = واخذنا الذود من ذاك الخصيم وروح لحاله

وحنا اهل العشر وغنيم منا يارفيع الشان = تنشّـــــــد كون مشذوبه وتعرف منهم ابطاله

وفي كون الحشوريه هزمنا التركي الخوان = سقينا الضاميه حلو القراح وشربة ازلاله

وفزنا يوم كون القرن بالاثبات والبرهان = هزمنا من يعاندنا عسا مافالكم فاله

ويكفينافخر كل الفخر في فيصل سقيّــان = بعد سطر له التاريخ مجدٍ يذكر افعاله

وانابفخر وافاخر واعتزي في ربعي المطران = ليا جات اللوازم ربعتي للحمل شياله

لهم فعلٍ مجرب من قديم الوقت والازمان = يدوسون الخطر والحرب رجليه وخياله

ولايوخذلهم مثقال ذرة حق مهما كان = ولايرضون بالتقصير والحقران وامثاله

قبيلتنا رفيعٍ شانها بقيادة الدوشان = شيوخ مطير معروفين للأنشاب حلاله

هل الفزعات واهل الطيب فوق كروش بالميدان = مقابيس الوغا عز الضعيف لياتعناله

وهذا موجز الموضوع والنشره لها عنوان = وعن كل الفعايل نكتفي برموز فعاله

وهذي كلمتي وانا مطيري من ذوي ميزان = ومن لايفتخر بفعول ربعه عزي لحاله

عسا ربي يحفظ المملكة بالامن والامان = عسا الله يرحم معزي عسا الله يحفظ عياله