صح لسانك يا أبن غلاب وآسف على تأخر الرد للأنني كنت مشغول اليوم بالمره ولم أدخل المنتدى إلا عصراً وفي الصباح قليل جداً..
وأثرك هواوي يا أبو عيسى؟؟؟
يا راكب اللي يقطع الأرض بالكنس=يقطع فيافيها ولا شئ يعيقه
موتر وتشغيله عن البعد باللمس=وراعيه ذيبٍ كل شي(ن) يطيقه
يوصل المكتوب مني على جمس=موتر جديد ويعجبك في بريقه
موتر كبار القوم ماهو ترى بكس=مشيه يجي متوازنن بالسليقه
ومن بعد ذا جتني بيوت(ن) وسط طرس=من صاحب يقول روحه غريقه
أرى فواده من هواها غدى حمس=من وحدة ما مثلها بالخليقه
قبلك جميع اللي هووا صابهم لمس=واللي يغيب فحبهن من يفيقه؟
والله مالومك في هواى جادل نعس= من بعد ما شبت بقلبك حريقه
قلب الهواوي دايم(ن) يمرسه مرس=ويزداد حبه لا تطعم رحيقه
لكن نصيحه يا صحيبي ترى العرس=في مثل ذا الحاله ينجي صديقه
حنا نقوله والذكي يفهم الدرس=من قبل ما تالع بقلبك عليقه
هذا وصلى الله على سيد الأنس=محمد اللي كلنا من فريقه
وأسلامتكم ونحن فقط نرمس رمس ولا حنا بشعار يا أبو عيسى