منتديات الموازين الرسميه - عرض مشاركة واحدة

غير متواجد حالياً

نكمل ما بدأناه أمس...( الحلقة الثانية )

المنظور الطبي لـ " حبة الخال "

يقولون الدكاتره إن حبة الخال هي " خلايا صبغية وحمية على شكل أعشاش في طبقة الخلايا القاعدية من البشرة "
ويقول الطب إن ظهورها غير معروف السبب ويظهر إن له علاقة بالعوامل الوراثية ..

ويرجع أخونا " الطب " ويؤكد انه ما من حبة الخال أي خطر وان وضعها سليم .. إلا في حالة وحده ....الحالة ذي إذا حسيت بوحدة من هالحالات .....

• إذا شفت حبة الخال مرتفعه أو منمغطه شوي أكثر من 6 ملم .
• إذا حدودها مهيب منتظمة أو متعرجة .
• إذا شكلها مهوب منتظم يعني نصها مو مثل نصها الثاني.. (يعني مثل رقبة السعوديين .. لونها غير لون البشره )
• إذا لونها مهوب متجانس .. يعني هناك تلقاه بني وهناك تلقاه اسود .. ( نظامها يصير نظام زوالي مشب باستراحة شباب) .
• إذا حسيت إنها تحكك أو تعوّرك ..
• إذا حسيت بنزيف يطلع منها ..

المهم ان الطب يرجع ويقول لكم انتبهوا وضروري تستأصلون حبة الخال في الحالات الآتية :

إذا هي مهيب جايزتن لك ..
أو شفتها طالعن منها كم شعره ..
وإلا مشوهة خشمك مثلا ..
• إذا هي موجودة بمكان يخليها دايم تحكك بأشياء ثانيه وها الاحتكاك يغير من لونها أو حجمها .
إذا هي بمكان ما تقدر تراقبها فيه مثل لو هي وسط الشعر مثلا .
إذا صار عندك ورم خبيث سابق من حبة خال - عافانا الله وإياكم - اقشع حبة الخال على طول .
• إذا لقيت إن عدد حبات الخال في جسمك كثيرة يعني فوق الـ 50 حبة خال وحجمها فوق الـ 2 ملم .
• إذا انك من اللي يتعرضون للشمس كثير لا تخلي حبة الخال في وجهك دقيقه وحده .
• لا صارت مناعتك الصحيّة من النوع اللي يرقل .. شل حبة الخال.

واللي يبي يعرف طريقة إزالة "حبة الخال " من غير ما يبقى لها أثر .. يتلطم ويدخل مملكة المرأة .. من تقبل على ها القسم ما تشوف إلا الشرار فوق من قوة الحدادة والنجارة وعمليات التجميل اللي تصير هناك ... هههههههه