أليكم اعزائي أحد محاوراتي
شاعر عون
ياسلامي على الروقة كعام الحريب // عزوةٍ يشهد الوقـت لمناعيرهـا
يامحمد عوى للذيب عشرين ذيـب // كثر الله مطير اللي كثـر خيرهـا
محمد الجذع
مرحبا يارجالً زادو الطيب الطيب // دونك الدله الي زاد تبـهـــــــــيرها
الذيابه كثيره مار موحي قـــــنيب // وعزوت مطير مانظلم مشاهيرها
شاعر عون
شفت في ناقة عريمان شئ غريب // ضيروها ولا رامت على ضيرهـا
وقبل يذهب سعدها صنفوها ذهيب // يامحمد حلومي ويـش تفسيرهـا
محمد الجذع
ناقتاً ياعميلي لا حليــب وجــلــيــب / مابها خير لاكن دورو غيرها
لا تّكثر من النوم وتشوف العجيب / حالتك يالمطيري جاك تقريرها
شاعر عون
انت حطيت في نفسك بكلمتك عيب // بعض الاجواد تخدعها تفاكيرهـا
مير من بعدها مااانته بلننا صحيب // دور اللي تطبل لك علـى زيرهـا
محمد الجذع
مالحقني بنفسي كل شكً وريب / قول والقافله تمشي على سيرها
صحبتاً مع ربيعه ماتزود كليب / واليالي على المولى تدابيرها
شاعر عون
علم اللي على الساحل يساق الركيب// ياخذ من أم عامر بعـض تدبيرهـا
حط نفسه كليب !!! الرجل هذا لبيب// قدر اللحيـة الشمطـاء بتقديرهـا
محمد الجذع
حط راسك وابضرب فوق راسك صليب/ لين تصحي لمعناها وتعبيرها
انت جاهل تتنزل قدم سيل الشعيب / ماتغير علوماً زان تصويرها
شاعر عون
كل ماانشدك يامال الوجع ماتجيب// ليت روق النشاما برقعت طيرها
فيه طلقة تصيب وطلقة ماتصيب// وبحرنا غبته تغـرق بوابيرهـا
محمد الجذع
حجتك واهيه فالرد مالك نصيب / والعلوم الصحيحه من مصاديرها
طلقتي صوبت قلبك وجرحك عطيب / ماتفيدك هل الطب بعقاقيرها
.